Inngår avtale om delingsressurs med INC Gruppen
Skal vi lukkast med ny teknologi er samarbeid og nettverk viktige faktorar. Dette er bakgrunnen for at Ocean Hyway Cluster (OHC) og INC Gruppen no inngår ein avtale om ein delingsressurs.
Helene Aamot arbeider i INC Gruppen som del av deira hydrogenteam. INC Gruppen på Fjord Base har saman med Sogn og Fjordane Energi (SFE) stifta selskapet Hyfuel, der dei også har ein samarbeidsavtale med Gasnor. Hyfuel skal eige, drifte og utvikle eit anlegg for hydrogenproduksjon. Helene si hovudoppgåve er knytt til denne etableringa. Dette er verdifull erfaring ho tar med seg når ho frå juni vil jobbe inntil 40 % i Ocean Hyway Cluster, Norges leiande maritime hydrogenklynge.
Erlend Toftesund, CEO i Saga Fjordbase AS, er tydeleg på at ny teknologi krev nye måtar å jobbe på og at auka samarbeid og bygging av nettverk blir ein nøkkel framover.
Frå venstre: Erlend Toftesund (Saga Fjordbase), Kristin Svardal (OHC), Helene Aamot (Saga Fjordbase og OHC), Geir Johannessen (INC Invest) og Stein Kvalsund (OHC)
Stein Kvalsund skreiv i eit nyheitbrev at dei ønska å inngå ein delingsressurs med ei medlemsbedrift og dette ønska vi å vere med på! Helene sit på ein solid utdanningsbakgrunn med ein master i fornybar energi og kan både bidra inn til teamet hos OHC, men også lære mykje som vi kan nytte oss av i INC Gruppen.
Delingsressursar er vinn-vinn for klynge og bedrift
Ocean Hyway Cluster har gode erfaringar med delingsressursar og har allereie ein liknande avtale med medlemsbedrifta Amon Maritime og prosjektutviklar Steinar Kostøl. Kristin Svardal, prosjektleiar i OHC, seier dette er del av ei planlagt styrking av den tekniske kompetansen i klynga og har trua på at denne avtalen vil gagne både klynga og INC Gruppen.
Vi har veldig gode erfaringar med liknande avtalar og meiner heilt klart det er ein vinn-vinn situasjon som fører til spin-off aktivitetar for begge partar.